About Me

My photo
भँवरलाल गर्ग ठीकरिया, दाहोद रोड़ बाँसवाड़ा - 327001 +91-9928234362

Followers

Powered by Blogger.

Archive for 2014

श्री परशुराम जयन्ती अक्षय तृतीया

श्री परशुराम जयन्ती अक्षय तृतीया 
      श्री परशुराम स्त्रोत
      ------------------------------------------------------------
      जटाभिरामण्डित-दिव्य भालं, रूद्राक्ष-मालोऽर्जित-कण्ठ-देशम्‌ ।
      स्फूर्जत्‌-कुठांर परिपन्थ-कालं, नमामि रामं जमदग्नि-वालम्‌ ॥१॥
      श्रीरेणुका-नन्दनमप्रमेयं, वीराग्र-गण्यं पितृ-भक्त - रामम्‌ ।
      तपस्विनां शस्त्र-भूतां वरिष्ठं, नमाम्यहं श्रीयुत-जामदग्न्यम्‌ ॥२॥
      वन्दे श्री भार्गवं रामं, जामददग्न्यं महा-बलम्‌ ।
      रेणुका-नन्दनं वीरं, कुमारं ब्रह्म-चारिणम्‌ ॥३॥
      तपन्तं भास्करं दिव्यं, समुत्साह-स्वरूपकम्‌ ।
      कालाग्नि-सदृशं रौद्रं, जामदग्न्यं नमाम्यहम्‌ ॥४॥
      पितृ-भक्तं महा-वीरं, सहस्रार्जुन-नाशकम्‌ ।
      शस्र-शास्त्र-कला-रत्नं, जामदग्न्यं नमाम्यहम्‌ ॥५॥
      शाक्तं तपस्विनं सिद्ध, शिवाराधन-तत्परम्‌ ।
      सिद्ध-विद्या-प्रदातारं, जामदग्न्यं नमाम्यहम्‌ ॥६॥
      वेद-विद्या धनुर्विद्या, श्रीविद्या-सम्प्रकाशकम्‌ ।
      श्री रामं वासुदेवांशं, जामदग्न्यं नमाम्यहम्‌ ॥७॥
      ब्राह्म-तेजः-समायुक्तं, क्षात्र-तेजः-समन्वित्‌ ।
      स-शरं चाप-धर्त्तारं, जामदग्न्यं नमाम्यहम्‌ ॥८॥
      कल्प-सूत्र-प्रणेतारं, नेतारं च धनुर्भृताम्‌ ।
      सर्व-शत्रु-प्रजेतारं, जामदग्न्यं नमाम्यहम्‌ ॥९॥
      मुकुन्दं सर्व-दातारं, धनुर्वासं धनुर्धरम्‌ ।
      जामदग्न्यं महा-देवं, सम्भजे कुण्डिराजितम्‌ ॥१०॥
      महा-त्याग-तपोमूर्ति, दान-वीर-शिरोमणिम्‌ ।
      सुशीघ्र-गामिनं देवं, जामदग्न्यं नमाम्यहम्‌ ॥११॥
      कोटि-यज्ञ-कृतं देवं, मुनीन्द्र चिर-जीविनम्‌।
      जामदग्न्यं सदा वन्दे, महेन्द्राचल-वासिनम्‌ ॥१२॥
      आयुर्विद्या-प्रदातारं, दातारं सर्व-सम्पदाम्‌।
      जमदग्नि-सुतं रामं, भूयो भूयो नमाम्यहम्‌ ॥१३॥
      राम-राम, महा-बाहो, राघवेणाऽभिपूजित!  ।
      शौर्य तेजः बलं नित्यमतुलं देहि मे प्रभो! ॥१४॥
      जामदग्न्य महा-वीर! महेन्द्राचल-वास कृत्‌ ।
      आयुर्विद्या धनं देहि, त्वामहं शरणं गतः ॥१५॥
      हे ऋचीक-चरु-व्याघ्र-सिंह-शार्दूल-विक्रम! ।
      आयुर्विद्यां धनं देहि, प्रसीद वरद प्रभो! ॥१६॥
      -----------------------------------------
      श्री परशुराम भगवान की जय ! 

- Copyright © parshuram LIMTHAN - Skyblue - Powered by Blogger - Designed by Johanes Djogan -